ДУШАНБЕ, 12 июн — Sputnik. Дар паёми табрикотии Александр Лукашенко, раисҷумҳури Беларус ба унвони роҳбар ва мардуми Русия ба муносибати “Рӯзи Русия” гуфта шудааст, ки кишвари Русия дар шароити душвори геополитикӣ аз манфиатҳои миллии худ дифоъ мекунад ва нақшаҳои таъмини рушди мунтазами иҷтимоию иқтисодиро бомуваффақият амалӣ мекунад.
“Дар шароити душвори геополитикӣ Русия аз манфиатҳои миллии худ ҳимоят мекунад, нақшаҳои таъмини рушди мунтазами иҷтимоию иқтисодиро бомуваффақият амалӣ менамояд", - гуфтааст Лукашенко.
Ба гуфтаи роҳбари Беларус, "ватандӯстӣ ва ҳамбастагии шаҳрвандон, дастгирӣ ва эътимоди баланд аз роҳи пешгирифтаи роҳбарияти кишвар посухи арзанда ба амалҳои ғайридӯстона алайҳи Русия аст".
"Ман шубҳа надорам, ки русҳо, мисле, ки борҳо дар таърих рух дода буд, ҳама мушкилот ва озмоишҳоро бо сари баланд паси сар хоҳанд кард", - гуфт президенти Беларус.
Ӯ изхори боварӣ кард, ки муносибатҳои ҳақиқатан наздики Минску Москва ба манфиатхои халқҳои бародарии ҳар ду давлат комилан мувофиқанд.
Лукашенко ба Путин саломатӣ, некӣ, шукуфоӣ ва ба мардуми Русия сулҳу оромӣ орзу кард.