ДУШАНБЕ, 25 май — Sputnik. Ду шаҳрванди Тоҷикистон ба доми қаллобон афтиданд, хабар медиҳад Вазорати корҳои дохилии Тоҷикистон.
Гуфта мешавад, ки дар бораи ҳодисаи қаллобӣ ба ШВКД дар ноҳияи Фирдавсӣ бо ариза марди 31-солаи сокини ноҳияи Кушониён муроҷиат намудааст.
Ӯ шикоят кардааст, ки 14-уми сентябри соли 2020 марди 33-солаи сокини Душанбе бо роҳи фиреб ба бовариаш даромада, аз ӯ автомашинаи тамғаи "Мерседес Бенс"-ро, ки арзишаш 85 ҳазор доллари амрикоиро ташкил медиҳад, гирифтаааст.
Бар ивази мошин, ӯ ваъда додааст, ки аз бинои навбунёди воқеъ дар шаҳри Душанбе, манзили сеҳуҷрагияш медиҳад, аммо маблағҳои ба дастовардаашро ба манфиати шахсиаш сарф намудааст.
Ҳамчунин марди 36-солаи сокини шаҳри Душанберо низ як сокини 34-солаи пойтахт, ки пеш бо моддаи 340, қисми 2, Кодекси ҷиноятии Тоҷикистон суд шудаааст, фиреб кардааст.
Ин мард аз ҷабрдида 11 автомашинаи гуногунтамғаро, ки арзишашон 99 ӽазору 500 доллари амрикоиро ташкил медиӽад, гирифта, ваъда додааст, ки дар муддати муайян фурӯхта маблағҳояшро бармегардонад, аммо то ҳол маблағҳои зикргардидаро барнагардонидааст.
Вазорати корҳои дохиӣ афзуда, ки аз рӯйи ин ҳодисаҳо тафтишот идома дорад.