ДУШАНБЕ, 21 май — Sputnik. Владимир Зеленский дар суҳбати ахири худ гуфтааст, ки шумораи нирӯҳои Украина 700 ҳазор нафаррро ташкил медиҳад.
"Ба мо артиши 250-ҳазорнафарӣ ё 260-ҳазорнафарӣ, ки дар он 120 ҳазор нафараш тавоноии ҷангӣ доранд, лозим нест. Дар аввали соли 2022 ман фармонеро имзо кардам... пул дорем, не, ба мо 100 ҳазор нафар лозим аст. Аммо ҳатто ин 100 ҳазор нафар онҳоро боздошта натавонистанд. ...Имрӯз артиш 700 ҳазор нафар аст. Дар ин ҷо шумо натиҷаи кори 700 ҳазрнафариро мебинед, ки меҷанганд...”, - гуфт Зеленский зимни мусоҳиба дар шабакаи “Украина 24”.
Русия амалиёти низомӣ дар Украинаро рӯзи 24 феврал оғоз кард. Президент Владимир Путин ҳадафи онро "ҳимояи одамоне номид, ки ҳашт сол боз таҳти таъқиб ва наслкушӣ аз ҷониби режими Киев қарор гирифтаанд".
Барои ин, ба гуфтаи ӯ, дар назар аст, ки "нозизудоӣ ва ғайринизомисозии Украина" анҷом шуда, тамоми ҷинояткорони ҷангии масъули "ҷиноятҳои хунини зидди мардуми осоишта" дар Донбасс ба ҷавобгарӣ кашида шаванд.
Ба гуфтаи Вазорати дифои Русия, нерӯҳои мусаллаҳ танҳо ба қисмҳои низомӣ ва нерӯҳои украинӣ зарба мезананд ва то рӯзи 25 март онҳо вазифаҳои асосии марҳалаи аввалро иҷро кардаанд - тавони ҷангии Украинаро ба таври қобили мулоҳиза коҳиш додаанд.
Ҳадафи асосиро мақомоти низомии Русия озодкунии Донбасс номиданд.