ДУШАНБЕ, 9 май — Sputnik. Дар раҳпаймоии "Ҳанги ҷовидон" дар Тоҷикистон 2 ҳазор низомии Русия ширкат карданд. Дар ин бора дафтари матбуотии Округи марказии ҳарбӣ хабар додааст.
Чорабинӣ дар майдони машқи низомии Душанбе баргузор шуд. Пас аз анҷоми раҳпаймоии тантанавӣ бахшида ба 77-умин солгарди ғалаба дар Ҷанги Бузурги Ватанӣ иштирокчиёни ҳаракати ватандӯстӣ аксҳои собиқадоронро баланд бардоштанд.
Ба ин чорабинӣ ҳамчунин оилаҳои хизматчиёни ҳарбӣ, намояндагони органҳои ҳокимият, қуҳнасарбозон, ташкилотҳои ҷамъиятӣ ва инчунин меҳмонон ҳамроҳ шуданд.
Дар чорабинии идона бори аввал экипажи паради хидматчиёни ҳарбӣ ширкат кард. Онҳо дар тан либоси ҳарбӣ, ки бо лентаҳои Георгий зинат дода шуда буданд, саф ороста, роҳпаймоӣ намуданд.
Дар Маҷмаи ёдгории қаҳрамонони дар майдонҳои ҷанг қурбоншуда иштирокчиёни раҳпаймоӣ ба пояи "Оташи абадӣ" гулчанбар гузоштанд.
Қаблан хидматчиёни ҳарбии пойгоҳи 201-уми Русия бахшида ба Рӯзи ғалаба иқдоми "Лентаи Георгий" ташкил карда буданд. Чорабинӣ таҳти шиори “Дар ёд дорам, ифтихор дорам” баргузор шуд.
Иштирокчиёни ин иқдом дар майдони асосии шаҳри Дӯстӣ ҳудуди 1500 лентаи Георгийро тақдим карданд.