ДУШАНБЕ, 6 май — Sputnik. Маскав Иёлоти Муттаҳида ва муттаҳидони аврупоии онро таҳдид намекунад ва иттиҳомоти "таҷовузи ҳастаӣ"-ро, ки аз ҷониби онҳо садо медиҳад, беасос медонад, гуфт сафири Русия дар Вашингтон Анатолий Антонов дар мусоҳиба бо нашрияи амрикоии "Newsweek".
"Кишвари мо Иёлоти Муттаҳида ва муттаҳидони аврупоии онро таҳдид намекунад, балки баръакс тамоми кӯшишро ба харҷ медиҳад, то аз авҷ гирифтани буҳрони Украинаро пешгирӣ кунад", - гуфт Антонов.
Дипломат гуфт, "мо маҷбурем, ки аз хатарҳои ба вуҷудомадаи марбут ба дахолати кишварҳои НАТО ба амалиёти махсуси низомии Русия ҳушдор диҳем".
Илова бар ин сафир ба беасос будани иттиҳомоти зидди Маскав дар робита ба "таҷовузи ҳастаӣ" ишора кард.
"Чунин тахминҳо бахше аз маъракаи таблиғотии зидди Русия аст, ки дар посух ба иқдомҳои мо барои безарар кардани таҳдидҳо ба амнияти миллӣ аз қаламрави Украина оғоз шудааст", - таъкид кард Антонов.
Раҳбари намояндагии дипломатӣ ёдовар шуд, шароите, ки дар он имкони истифодаи силоҳи ҳастаӣ имконпазир аст, дар асосҳои сиёсати давлатии Федератсияи Русия дар соҳаи пешгирӣ аз силоҳи ҳастаӣ зикр шудааст.
"Он мумкин аст, дар посух ба истифодаи силоҳи қатли ом алайҳи Русия ва муттаҳидонаш ё дар сурати таҷовуз алайҳи кишвари мо, вақте ба мавҷудияти давлат таҳдид мешавад, истифода шавад", - афзуд ӯ.
Антонов инчунин аз он изҳори таассуф кард, ки насли кунунии "сиёсатмадорони НАТО ба таври возеҳ таҳдиди ҳастаиро ҷиддӣ намегиранд".