Пешвози Гагарин дар кишварҳои гуногуни ҷаҳон

1 / 16

Кайҳоннаварди шӯравӣ, Қаҳрамони Иттифоқи Шӯравӣ Юрий Алексеевич Гагарин дар Норвегия. Юрий Гагарин дар байни хонандагони мактаби миёнаи шаҳри Берген.

2 / 16

Маҷлиси ботантана дар Маскав бо аввалин кайҳоннаварди ҷаҳон Юрий Гагарин, ки парвози кайҳониро дар киштии "Восток-1" бомуваффақият анҷом дод. Маскавиҳо дар бом кайҳоннавардро пешвоз мегиранд.

3 / 16

Сафари кайҳоннаварди ИҶШС, Қаҳрамони Иттифоқи Шӯравӣ Юрий Гагарин ба Ҷопон. Сокинони Ҳоккайдо аввалин кайҳоннаварди ҷаҳонро бо рӯҳбаландӣ пешвоз мегиранд.

4 / 16

Зани кайҳоннавард Юрий Гагарин Валентина ба Замин баргаштани шавҳарашро интизор аст.

5 / 16

Паёми ТАСС дар бораи нахустин парвози инсон ба кайҳон хабари сериқтибосовартарин дар ҷаҳон гардид. Маскавиҳо дар дуконҳои газетаҳо репортажро дар бораи ба коинот парвоз кардани аввалин кайҳоннавард Юрий Гагарин мехонанд.

6 / 16

Кайҳоннаварди ИҶШС, Қаҳрамони Иттифоқи Шӯравӣ Юрий Гагарин бо таклифи ноиби президент ва сарфармондеҳи қувваҳои мусаллаҳи Миср, маршал Абдулҳаким Умар ба ин кишвар рафт.

7 / 16

Паёми ТАСС дар бораи нахустин парвози инсон ба кайҳон хабари сериқтибосовартарин дар ҷаҳон гардид. Коргарони фабрикаи либосдӯзии Алмаато дар бораи аввалин парвози кайҳонии Юрий Гагарин хабареро аз радио мешунаванд. 12 апрели соли 1961.

8 / 16

Маҷаллаҳои Фаронса дар бораи парвози кайҳоннаварди шӯравӣ Юрий Гагарин хабар медиҳанд, ки 12 апрели соли 1961 анҷом шуд.

Ӯ аввалин инсоне гардид, ки дар киштии "Восток I" ба коинот парвоз кард.

9 / 16

Юрий Гагарин бо таклифи шахсии раиси Шӯрои Вазирони Куба Фидел Кастро ба Куба рафт.

10 / 16

Юрий Гагарин, кайҳоннаварди рус (аз рости марказ) 14 июли соли 1961 дар қабристони Ҳайгейт дар Лондон бар пояи қабри Карл Маркс, ки ҳамчун яке аз муаллифони коммунизм эҳтиром мешавад, гулчанбар гузошт.

Кӯдакон аз қабристон мегузаранд, то қаҳрамони кайҳонро бинанд.

11 / 16

Юрий Гагаринро дар Афина сарвазири Юнон Константин Караманлис пешвоз мегирад. Соли 1962 Гагарин шаҳрванди фахрии Афина гардид.

12 / 16

Сафари Юрий Гагарин бо таклифи хукумати Сейлон бо ҳамроҳии як гуруҳ шаҳрвандони советӣ ва занаш Валентина Гагарина. Чунин плакатҳо ба забонҳои сингалӣ ва русӣ тамоми роҳҳои ин мамлакатро зинат медоданд.

13 / 16

Юрий Гагарин баъд аз парвози афсонавии худ ба коинот барои истироҳат ба Сочи омад. Юрий Гагарин (аз чап) ва занаш Валентина дар аэродроми Сочи аз ҳавопаймо фаромаданд.

14 / 16

Юрий Алексеевич Гагарин бо таклифи Ҷамъияти "Финландия — ИҶШС" дар Иди дӯстии Иттифоқи Шӯравӣ ва Финландия дар Финландия. Юрий Гагарин меҳмони фахрии урдӯгоҳи байналхалқии ҷавонон дар шаҳри Кем мебошад.

15 / 16

Мардум аксҳои кайҳоннавард Юрий Гагаринро дар даст доранд.

16 / 16

Юрий Гагарин дар Варшава

Ва инак бо гузашти 61 сол, ҳамасола рӯзи 12 апрел дар ҷаҳон ҳамчун Рӯзи ҷаҳонии авиатсия ва кайҳоннавардӣ ҷашн гирифта мешавад.

Нахустин кайҳоннаварде, ки ба мадор баромад, Юрий Гагарин буд. Ӯ дар ин рӯз бо киштии кайҳонии "Восток" Заминро давр зад. Қабл аз парвоз Гагарин "рафтем!" хитоб намуда буд.

Путин ваъда дод, ки ба сӯи Моҳ киштии кайҳонӣ партоб хоҳад кард

Дар солҳои баъд аз парвози нахустини кайҳонии Юрий Гагарин беш аз 500 нафар аз ҳудуди 40 кишвари ҷаҳон ба кайҳон парвоз кардаанд.

Шашуми августи соли 1961 киштии кайҳонии "Восток 2" бо кайҳоннавард Герман Титов парвоз кард. Парвози вай беш аз як шабонарӯз давом дошт. 11 ва 12 августи соли 1962 тавассути киштиҳои "Восток 3" ва "Восток 4" Андриян Николаев ва Павел Попович ва 16 июни соли 1963 нахустин зани кайҳоннавард Валентина Терешкова парвоз карданд.

"Бозгашт ба Замин": Юрий Гагаринро дар саросари ҷаҳон чӣ гуна пешвоз гирифтанд? - акс