ДУШАНБЕ, 11 апр — Sputnik. Русия дар пайи анҷоми 793 амали башардӯстона ба Украина тақрибан 10 ҳазор тонна борҳои башардӯстона ирсол кардааст. Дар ин бора генерал-полковник Михаил Мизинтсев, раиси Маркази миллии назорати дифои Русия хабар дод.
"Аз 2 март Федератсияи Русия аллакай ба Украина 10315,3 тонна бори башардӯстона интиқол дода, 793 амали башардӯстона, аз ҷумла 12-тоаш дар Ҷумҳурии Халқии Донетску Луганск ва вилояти Херсон дар як шабонарӯз анҷом дода шуд, ки дар ин муддат 338 тонна борҳои башардӯстонаи мавриди ниёзи мардум, аз қабили дору ва озуқаворӣ интиқол дода шуданд", — гуфт генерал.
Ба гуфтаи ӯ, дар нуқтаҳои ҷамъоварӣ беш аз 22 ҳазор тонна маводи ғизоӣ, доруворӣ ва маводи зарурӣ омода карда шудааст.
Мизинтсев таъкид кард, ки рӯзи 10 апрел дар Украина 10 амалиёти башардӯстона сурат гирифт, ки дар ҷараёни он 492 тонна маводи зарурӣ ва маводи ғизоӣ ба аҳолӣ интиқол дода шуд.
Маврид ба зикр аст, ки Русия рӯзи 24 феврал амалиёти низомӣ дар Украинаро оғоз кард.
Президент Владимир Путин ҳадафи онро "ҳимояи одамоне номид, ки дар тӯли 8 сол таҳти таъқиб ва наслкушӣ аз ҷониби режими Киев қарор гирифтаанд."
Барои ин, ба гуфтаи ӯ, дар назар аст, ки "ғайринизомисозӣ ва нозизудоии Украина" анҷом шуда, ҳама ҷинояткорони ҷангӣ, ки барои "ҷиноятҳои хунини зидди мардуми осоишта" дар Донбасс масъуланд, ба ҷавобгарӣ кашида шаванд.
Ба гуфтаи Вазорати дифои Русия, нерӯҳои мусаллаҳ танҳо ба зербиноҳои низомӣ ва нерӯҳои Украина зарба мезананд.