ДУШАНБЕ, 9 апр – Sputnik. Рӯзи сафари гурӯҳи ҳунармандони тоҷик ба Ӯзбекистон дақиқ шудааст, иттилоъ додааст сомонаи рӯзномаи "Ҷумҳурият".
Ба иттилои манбаъ, аз 4 то 15 апрел ҳунармандони Театри давлатии лӯхтаки шаҳри Душанбе дар шаҳрҳои бостонии Фарғона, Қӯқанд, Марғелон, ноҳияҳои Риштон ва Сухи Ҷумҳурии Ӯзбекистон бо намоиши “Маликаи нозанин” ҳунарнамоӣ мекунанд.
Таъкид шудааст, ки сафари ҳунармандони тоҷик бо даъвати Вазорати фарҳанги Ӯзбекистон ва дастгирии Вазорати фарҳанги Тоҷикистон сурат гирифт.
Қайд карда шудааст, ки муаллифи намоиши мазкур Ҳотам Салимов, таҳиягар Зафар Ҷаводов мебошанд.
Инчунин манбаъ хабар додааст, ки намоиши “Маликаи нозанин” бо забонҳои тоҷикӣ ва русӣ ба саҳна гузошта мешавад.