ДУШАНБЕ, 5 апр — Sputnik. Вазири энергетикаи Беларус Виктор Каранкевич ва раиси "Газпром" Алексей Миллер созишномаеро имзо карданд, ки тибқи он, Минск аз моҳи апрел дар пардохти газ ба рубли русӣ мегузарад ва нархи он фоидаовартар мешавад.
Дар ин бора РИА "Новости" бо такя ба хадамоти матбуотии кишвардори Беларус хабар медиҳад.
"Аз моҳи апрели соли ҷорӣ Беларус дар пардохти газ ба рубли русӣ мегузарад. Имрӯз дар Санкт-Петербург санадҳои зирабтро вазири энергетика Виктор Каранкевич ва раиси ҶСК "Газпром" Алексей Миллер имзо карданд", — гуфта мешавад дар хабаре дар шабакаи "Telegram".
Гузашта аз ин хадамоти матбуотӣ таъкид кардааст, "аз 1 апрел нархи гази табиии воридшуда назар ба он ки дар созишномаи то имрӯз амалкунанда пешбинӣ шуда буд, фоидаовартар шудааст".
"Бо дарназардошти тавофуқоти ҳосилшуда дар ояндаи наздик ҳукумат (Беларус - идора.) барои коҳиши сарбории нархи гази табии истеъмолкунандагон (дар кишвар - идора.) тасмим мегирад", - омадааст дар гузориш.
Қаблан сарвазири Беларус Роман Головченко гуфта буд, ки Минск соли 2022 барои нафту гази интиқолшуда ба Русия бо рубли русӣ пардохт хоҳад кард.