ДУШАНБЕ, 3 апр — Sputnik. Вазорати маорифи толибон мегӯяд, ки масъалаи боз кардани мактабҳои духтаронаи болотар аз синфи шашум дар ин кишвар аз салоҳиятҳои раҳбарии ин гурӯҳ аст, иттилоъ додааст Sputnik Афғонистон.
“Ифтитоҳи мактабҳои духтаронаи синфҳои ҳафтум то дувоздаҳум аз салоҳиятҳои раҳбарияти иморати исломӣ аст. Ҳар гоҳе ки раҳбарияти иморати исломӣ дастури боз кардани дубораи мактабро медиҳад, Вазорати маориф омодааст, ки ҳама мактабҳои духтаронаро дар як рӯз боз кунад”, - гуфт Азиз Аҳмад Райан, сухангӯи Вазорати маориф.
Мактабҳои духтаронаи болотар аз синфи шашум бояд дар моҳи март кушода мешуданд, аммо ин корро роҳбарияти толибон ба мавқуф гузоштанд.
Толибон дар моҳи март, пас чанд соат боз шудани мактабҳои миёнаи духтарона, боз дари мактабҳоро дубора ба рӯи муҳассилини духтар бастанд.
Ин иқдоми толибон дар дохил ва хориҷ аз Афғонистон вокунишҳои зиёдеро ба бор овард.