ДУШАНБЕ, 3 апр — Sputnik. Аксҳо ва видеоҳое, ки мақомоти Украина аз шаҳри Буча пешниҳод кардаанд, ки гӯё "ҷиноятҳо"-и нерӯҳои Русияро таъйид мекунанд, боз як иғвои дигар аст. Дар ин бора аз Вазорати дифои Русия иттилоъ дод.
Ин ниҳод мегӯяд, ки дар замони таҳти назорати артиши Русия қарор доштани ин шаҳрак ягон сокини Буча осеб надидааст.
Нерӯҳои Русия 30 март - як рӯз баъд аз музокироти намояндагони Маскаву Киев дар Истанбул ин шаҳрро тарк карданд.
Дар ин бора баъдтар раиси шаҳри Буча Анатолий Федорук дар паёми видеоии худ хабар дод. Ӯ дар ин видео нагуфтааст, ки нерӯҳои Русия сокинони дастбастаи ин шаҳрро ба рагбор бастанд.
"Аз ин рӯ тааҷҷубовар нест, ки ҳама ба истилоҳ "далелҳои ҷиноят" дар Буча танҳо дар рӯзи чаҳорум, вақте ки афсарони украинӣ ва намояндагони телевизиони Украина вориди шаҳр шуданд, пайдо шуданд", - қайд кард Вазорати дифои Русия.
Ҳамзамон гуфта мешавад, ҷасади одамоне, ки дар акс ва видео дида мешаванд, пас аз ҳадди ақал чаҳор рӯз ба мурда монанд нестанд, зеро доғҳои хоси ҷасад надоранд ва дар захмҳои онҳо хуни лахтанашуда ба назар мерасад.
"Ҳамаи ин ба таври раднашаванда тасдиқ мекунад, ки акс ва видеоҳо аз Буча маҳсули навбатии режими Киев барои расонаҳои ғарбӣ мебошанд, чунон ки дар Мариупол бо таваллудхона ва инчунин дар шаҳрҳои дигар карданд", - таъкид кардааст Вазорати дифои Русия.
Вазорат ёдоварӣ кардааст, ки канораҳои ҷанубии Бучаро нерӯҳои Украина пайваста тирборон мекарданд. Дар навбати худ низомиёни Русия ба вилояти Киев 452 тонна бори башардӯстона интиқол додаанд.
Онҳо ба ҳаракати аҳолии осоишта дар гирду атрофи шаҳр ва истифода бурдани алоқаи мобилӣ монеъ нашуданд.