ДУШАНБЕ, 1 апр — Sputnik. Федератсияи байналмилалии футбол рейтинги дастаҳои миллиро нав кард.
Тоҷикистон, ки ҳоло ягон бозӣ анҷом надодааст, дар рейтинг мавқеъашро мустаҳкам кард.
Мунтахаби ҷумҳурӣ аз рӯи радабандии охирини ФИФА ҷои 114-умро гирифт. Қаблан даста дар зинаи 115-ум қарор дошт ва ба ин тартиб Тоҷикистон мавқеъашро 1 зина боло бурд.
Дар радабандӣ кишвар дар байни ду ҷумҳурии Африқо: Мавритания ва Гвинея-Бисау ҷойгир шудааст.
Кишварҳои ҳамсояи Тоҷикистон дар Осиёи Марказӣ чунин раддабандӣ шудаанд: Ӯзбакистон дар зинаи 83, Қирғизистон дар зинаи 95.
Мунтахаби Қазоқистон 5 зина поин рафта, кишвар дар ҷойи 125-ум қарор дорад. Туркманистон бошад, дар хатти 134-ум монд.
Дар сегонаи беҳтаринҳо низ тағйирот ба амал омад: тими Бразилия Белгияро аз ҷои аввал дур кард. Фаронса дар ҷои сеюм боқӣ мондааст.
Ёдовар мешавем, ки беҳтарин ҷой барои тими миллии Тоҷикистон дар раддабандии ФИФА 106-ум ва пойинтарин сутуне, ки мунтахаби ватанӣ дар он қарор дошт, дар ҷои 180-ум буд.
Беҳтарин дастовардҳои охирини тими Тоҷикистон ҷои сеюм дар "Ҷоми Наврӯз" аст.
Дастаи мунтахаби Тоҷикистон дар "Ҷоми Наврӯз-2022" тими Қирғизистонро бо ҳисоби 1:0 шикаст дод.
Пеш аз ин, яккачини кишвар аз тими Уганда шикаст хӯрда буданд. Вақти асосии вохӯрӣ бо ҳисоби 1:1 анҷом ёфт, аммо дар задани зарбаҳо аз ҷаримагоҳи ёздаҳметра африқоиҳо боз 4 тӯб вориди дарвозаи мунтахаби Тоҷикистон карданд.
Дастаи мунтахаби кишварро ба ин мусобиқот мураббии нав – мутахассиси хорватӣ Петр Сегрт омода мекунад.