ДУШАНБЕ, 31 мар — Sputnik. Агентии обуҳавошиносии кишвар мегӯяд, дар ВМКБ ҳавои камабри бебориш дар назар буда, дар ғарби вилоят ҳаво шабона аз 2 дараҷа хунук то 3 дараҷа гарм, рӯзона 9+14 дараҷа гарм, дар шарқи вилоят шабона 2-7 дараҷа хунук, рӯзона 3+8 дараҷа гарм мешавад.
Ба иттилои манбаъ, дар вилояти Суғд ҳавои камабри бебориш пешгӯӣ шуда, дар ағбаҳо тормеғ мефарояд.
Ҳаво дар водиҳо шабона 3+8 ва рӯзона 16+21 дараҷа гарм, дар ноҳияҳои кӯҳӣ шабона аз 1 дараҷа хунук то 4 дараҷа гарм, рӯзона 7+17 дараҷа гарм мешавад.
Хатлониёнро бошад, ҳавои камабри бебориш интизор буда, аммо дар баъзе ноҳияҳои минтақа чангу ғубор боқӣ мемонад.
Ҳаво дар водиҳо шабона 6+11 ва рӯзона 21+26 дараҷа гарм, дар доманакӯҳҳо шабона 1+6, рӯзона 15+20 дараҷа гарм мешавад.
Дар шаҳру ноҳияҳои тобеи марказ ҳаво камабри бебориш дар назар буда, дар ағбаҳо тормеғ мефарояд.
Ҳаво дар водиҳо шабона 4+9, рӯзна 19+24 дараҷа гарм мешавад. Дар ноҳияҳои кӯҳӣ шабона 0+5 ва рӯзона 10+15 дараҷа гарм мешавад.
Душанберо ҳавои камабри бебориш фаро гирифта, шабона 5+7 ва рӯзона 21+23 дараҷа гарм мешавад.