ДУШАНБЕ, 20 мар — Sputnik. Режими истиқомати доимӣ дар қаламрави Русия, ки ба хориҷиён имкон медиҳад, ки дар оянда барои гирифтани шаҳрвандӣ муроҷиат кунад, аз ҷониби Вазорати корҳои дохилии Федератсияи Русия ҳамчун мақоми асосии муҳоҷират баррасӣ мешавад.
Дар ин бора Валентина Казакова, сардори Сарраёсати муҳоҷирати Вазорати корҳои дохилии Русия дар суҳбат бо ТАСС хабар дод.
"Режими ҳуқуқӣ пеш аз ҳама ба шаҳрвандони хориҷӣ, ки забони русиро медонанд ва аз ҷиҳати тафаккуру фарҳанг ба мо наздиканд, тааллуқ мегирад", - шарҳ дод вай.
Казакова ҳамчунин афзуд, ки ҳуқуқи истиқомати доимӣ ба муддати номуайян дода мешавад.
Қаблан Вазорати корҳои дохилии Русия дар чаҳорчӯби татбиқи консепсияи сиёсати давлатии муҳоҷират лоиҳаи қонунеро омода карда буд.
Тибқи ин санад, ҷорӣ намудани се низоми будубоши шаҳрвандони хориҷӣ дар Федератсияи Русия пешбинӣ шудааст.
Реҷаи дарозмуддат ба муҳоҷирон имкон медиҳад, ки дар Федератсияи Русия беш аз 90 рӯз дар як сол бидуни гирифтани иҷозаи иқомати доимӣ бимонанд.