ДУШАНБЕ, 15 мар — Sputnik. Писари раисҷумҳури феълии Туркманистон Қурбонгулӣ Бердимуҳаммадов Сардор Бердимуҳаммадов раисҷумҳури нави ин кишвар интихоб шуд.
Ӯ бо дарёфти 72,97% овозҳо дар интихоботи ғайринавбатии Туркманистон ба ин мақом расид.
"Муовини раиси Девони Вазирони Туркманистон Сардар Қурбонгулевич Бердимуҳаммадов 72,97% ороъро касб кард", - хабар медиҳад Кумитаи маркази интихоботи ин кишвар.
Овоздиҳӣ дар интихоботи пеш аз муҳлати раёсатҷумҳурӣ дар Туркманистон рӯзи 12 март баргузор шуд.
Барои курсии олии давлатии Туркманистон 9 номзад, ки аз ҷониби се ҳизби сиёсӣ ва гурӯҳҳои ташаббускори шаҳрвандон мубориза бурданд.
Тибқи Кодекси интихоботи ин кишвар, Комиссияи марказии интихоботӣ на дертар аз рӯзи ҳафтуми баъди интихобот натиҷаҳои онҳоро ҷамъбаст намуда, протокол тартиб медиҳад ва натиҷаи интихоботро эълон мекунад.
Сардор Бердимуҳаммадов, аз ҷониби Ҳизби демократӣ, ки дар қудрат аст, ба курсии президентӣ пешбарӣ гардид.
Ӯ қаблан гуфта буд, ки дар сурати пирӯзӣ дар интихобот сиёсати падарашро давом медиҳад.