ДУШАНБЕ, 12 мар — Sputnik. Русия набояд дар ҳар як ҳолати мушаххас ба таҳримҳо посух диҳад, Маскав ҳангоми таҳияи чораҳои вокуниш ба ИМА оромиро пеша хоҳад кард.
Дар ин бора муовини вазири корҳои хориҷӣ Сергей Рябков гуфт, хабар медиҳад РИА "Новости".
"Мо набояд сарро аз даст диҳем, мо бояд оромӣ нигоҳ диҳем (ҳангоми таҳияи таҳримҳои ҷавобӣ)... Ба назари ман мо набояд дар ҳар як ҳолати мушаххас ба таҳримҳо посух диҳем", - гуфт Рябков дар суҳбат бо шабакаи аввали Русия.
Ин дар ҳолест, ки сухангӯи президенти Русия Дмитрий Песков гуфт, таҳримҳои Ғарб алайҳи Русия пешбинишаванда буд ва иттифоқан омодагӣ барои чораҳои ҷавобӣ дар ҷиҳати коҳиш додани оқибатҳои онҳо пешакӣ оғоз шуд.
"Мо борҳо гуфта будем, ки таҳримҳои воқеӣ интизоранд ва маҷмуи гуногуни таҳримҳо бодиққат таҳия ва баррасӣ шуданд. Ҳамчунин омодагӣ барои ба ҳадди ақалл кам кардани оқибатҳои маҷмуи таҳримҳои гуногун аз пеш оғоз шудааст", - гуфт Песков.
Ҳамзамон ахиран сарвазири Русия Михаил Мишустин изҳор дошт, ки барои кишварҳои ағёр маҳдудиятҳои интиқолии ҷавобӣ ҷорӣ хоҳанд кард.
Ёдовар мешавем, ки пас аз амалиёти вижаи Русия дар Украина ИМА бо Аврупо чаҳор бастаи таҳримро эълом карданд.