ДУШАНБЕ, 7 мар — Sputnik. Дмитрий Медведев, муовини раиси Шӯрои Амният болоравии рекордии қимати газ дар Аврупоро шарҳ дод ва аз мақомдорони Ғарб дар мавриди қатъи иҷозатномадиҳии лоиҳаи “Маҷрои Шимолӣ-2” изҳори назар кард.
“Ман танҳо метавонам ҳамкасбони аврупоии дурандешро, ки худро аз русҳои маккор ва лоиҳаи "Маҷрои Шимолӣ-2" боэътимод дифоъ карданд, табрик кунам”, - гуфт ӯ.
Чанде пеш фючерсҳои газ дар моҳи апрел, тибқи шохиси TTF, аз 2400 доллар барои як метри мукааб ба 3900 доллар боло рафта, дар ҳамин ҳол нархи ҳисоббаробаркуниҳо дар рӯзи ҷумъа 2170 долларро ташкил дод.
Русия рӯзи 24 феврал амалиёти низомӣ дар Украинаро оғоз кард. Путин ҳадафи онро "ҳимояи одамоне номид, ки дар тӯли ҳашт сол таҳти таъқиб ва наслкушӣ аз ҷониби режими Киев қарор гирифтаанд."
Ба ин манзур, ба гуфтаи ӯ, “ғайринизомисозӣ ва нозизудоии Украина”, таҳвили муҷримони ҷангии масъул дар “ҷиноёти хуношом алайҳи сокинони мулкӣ”-и Донбасс ба додгоҳ барномарезӣ шуд.
Бинобар баёнияи Вазорати дифои Русия, нерӯҳои ҳарбии ин кишвар танҳо зерсохтҳои низомию низомиёни Украинаро ҳадаф қарор медиҳанд ва ин амалиёт шаҳрвандони мулкиро таҳдид намекунад.
Бо ҳимояти нерӯҳои ҳавоии ФР ҳуҷуми гурӯҳҳои ҶХД ва ҶХЛ доман мегустарад. Ин ҷо ҳарф дар бораи забти Украина нест, гуфт раисҷумҳури Русия. Дар баробари амалиёт инчунин музокироти Русия ва Украина низ баргузор мешавад, ки то ҳол ду даври он анҷом ёфта, интизор меравад, рӯзҳои наздик даври сеюмаш сурат гирад.