ДУШАНБЕ, 28 фев — Sputnik. Анатолий Аксаков, раиси кумитаи Думаи давлатии Русия дар умури бозори молӣ ба РИА "Новости" гуфтааст, таҳримҳое, ки Ғарб роҳандозӣ кардааст, захираҳои байналмилалии Русияро таҳдид мекунанд, ки дар асл дуздии амволи каси дигар хоҳанд буд.
Қаблан раиси Комиссияи Аврупо Урсула фон дер Ляйен гуфта буд, ки Иттиҳодияи Аврупо якҷоя бо Иёлоти Муттаҳида, Британияи Кабир ва Канада дороиҳои Бонки марказии Русияро мунҷамид мекунад.
Як мақоми ИМА гуфт, ки Амрико ва муттаҳидонаш қасд доранд, алайҳи Бонки марказии Русия чора андешанд, ки ба он имкон намедиҳад, захираҳои мавҷуди худро барои дастгирии рубл истифода барад, то таҳримҳоро ҷуброн кунад.
"Ин дар асл суиқасд аст, ин дуздӣ аст, дар асл моли каси дигарро рабудан аст", - шарҳ дод Аксаков.
Дар идома Аксаков изҳор дошт, ки "мо як ҷузъи ҷудонашавандаи иқтисоди ҷаҳонӣ ҳастем ва албатта, ба истилоҳ ин шабеҳи рагҳои молиро буридан аст. Ин кор барои организми иқтисодӣ дардовар аст".
Тибқи маълумоти Бонки марказӣ, захираҳои байналмилалии Русия то 18 феврал ҳадди ниҳоии таърихии худро нав карда, ба 643,2 миллиард доллар расидаанд.
Бонки марказӣ маълумотро дар бораи ҳиссаи асъорҳо дар захираҳо бо таъхири шашмоҳа ошкор мекунад: ба ҳолати 30 июн ҳиссаи дороиҳои доллар дар портфели умумӣ 16,4%, евро 32,3%, юан 13,1%, дар фунт стерлинг 6, 5 фоиз, бо валютаҳои дигар 10 фоиз. Ҳиссаи тило 21,7 фоизро ташкил дод.
Рӯзи якшанбе Бонки марказии Русия эъломияе нашр кард, ки дар он таъкид шудааст, барои нигоҳ доштани суботи молӣ ва таъмини муттасилии фаъолияти бахши молӣ дорои манобеъ ва абзорҳои зарурӣ аст.