ДУШАНБЕ, 27 фев — Sputnik. Артиши Русия 975 иншооти зербинои низомии Украинаро тахриб кард. Дар ин бора ба хабарнигорон сухангӯи вазорати дифои Русия генерал-майор Игор Конашенков хабар дод.
"То имрӯз Нерӯҳои мусаллаҳи Русия 975 объекти зерсохтори низомии Украинаро задаанд", - гуфт ӯ.
Дар миёни онҳо 23 посгоҳи фармондеҳӣ ва маркази иртибототи нерӯҳои мусаллаҳи Украина, 3 нуқтаи радарӣ, 31 маҷмааи зиддимушакии С-300, Бук М-1 ва Оса ва ҳамчунин 48 истгоҳи радарӣ мавҷуданд.
Низомиёни Русия 8 ҳавопаймои ҷангӣ, 7 чархбол, 11 ҳавопаймои бесарнишин ва 2 мушаки тактикии “Точка-У”-ро низ аз фаъолият бароварданд.
Илова бар ин, дар ҷараёни амалиёти вижа 223 танк ва дигар мошинҳои зиреҳпӯши ҷангӣ, 28 ҳавопаймо, 39 мушакандози чандкарата, 143 мошини низомӣ, 86 тӯпхонаи саҳроӣ ва миномёт нобуд карда шуданд.
Рӯзи гузашта артиши Русия Херсон ва Бердянскро муҳосира карда, фурудгоҳи Геничевск ва Черобаевкаро зери назорат гирифт.
Ёдовар мешавем, ки 21 феврали соли 2022 Русия истиқлолияти ҶМЛ ва ҶМД -ро расман ба расмият шинохт ва сипас шартномаи дӯстӣ бо ҷумҳуриҳоро ба тасвиб расонд.
Пасон, Владимир Путин, раисиҷумҳури Русия, аз тасмими баргузории амалиёти вижаи низомӣ дар Донбасс хабар дод ва қайд кард, ки “вазъият иқдоми қатъӣ ва фаврӣ тақозо мекунад".
Илова бар ин, президент таъкид кард, ки ҷумҳуриҳои мардумии Донбасс бо дархости кӯмак ба Русия муроҷиат кардаанд. Вай афзуд, ки нақшаҳои Маскав ишғоли қаламравҳои Украинаро дар бар намегиранд.
Вазъият дар Украина феълан муташанниҷ буда, Владимир Зеленский аз музокирот бо Русия дар Беларус худдорӣ кард. Ҷониби Русия мегӯяд, то соати 15:00 рӯзи 27 феврал ҳайати Украинаро барои нишастан сари мизи гуфтугӯ интизор мешаванд. Дар сурати наомадан, хунрезии минбаъда низ ба дӯши кишвардори Украина вогузор мешавад.