ДУШАНБЕ, 27 фев — Sputnik. Вазорати умури Амрико дар баёнияе эълом кард, ки муассисоти молӣ, созмонҳои ғайридавлатӣ, созмонҳои байналмилалӣ ва ширкатҳои бахши хусусӣ метавонанд ҳамзамон бо пайравӣ аз таҳримҳои Амрико дар муомилот ва фаъолиятҳои густарда дар Афғонистон ширкат кунанд, иттилоъ додааст Sputnik Афғонистон.
“Ба бахшҳои зарардидаи бонкдорӣ ва тиҷорат, рушд ва нигоҳдории зерсохтор, амалиёти амниятӣ ва нигоҳдории системаҳои нақлиётӣ ва муомилоти телекоммуникатсионӣ ва иттилоотӣ дохил мешаванд”, - омадааст дар изҳорот.
Бо вуҷуди таҳримҳои зидди толибон Вазорати молияи Амрико ахиран иҷозаи наве барои мусоидат ба фаъолиятҳои иқтисодӣ ва тиҷоратӣ дар Афғонистон дод.
Энтони Блинкен, вазири умури хориҷии Амрико таъкид кард, ки "таҳримҳо алайҳи Толибон лағв нахоҳанд шуд".
Ҳамзамон вазири хориҷаи Амрико гуфт, ки ин иқдоми ИМА ба манзури мусоидат ба ширкатҳои хусусӣ ва созмонҳои имдодӣ бо толибон аст.
“Мо барои барқарор кардани иқтисод бо мардуми Афғонистон ҳастем”, - гуфт Блинкен.
Вазорати молияи ИМА аз ин пеш се муҷаввиз барои тасҳили кумакҳои башарӣ ва ҳаётӣ аз сӯйи созмонҳои байналмилалӣ ва ҷомеаи ҷаҳонӣ барои Афғонистон содир карда буд.