ДУШАНБЕ, 16 фев — Sputnik. Теъдоди деҳотиён аз бошандагони шаҳрҳо дар Тоҷикистон ба маротиб зиёд аст.
Гулнора Ҳасанзода, раиси Ожонси омори Тоҷикистон мегӯяд, шумораи сокинони рустоҳо дар ҷумҳурӣ 7,1 миллион нафарро ташкил медиҳад, ки ин баробар 73,8%-и аҳолии кишвар мебошад.
Бар асоси ҳисобҳои ахир, аҳолии шаҳрҳои ҷумҳурӣ ҳудуди 2,5 млн. нафарро ташкил медиҳад, ки 26,2%-и теъдоди умумии аҳолиро дар бар мегирад, афзуд Ҳасанзода.
Дар маҷмуъ, ба иттилои Ожонси омори Тоҷикистон, аҳолии ҷумҳурӣ ба 9,6 млн. нафар баробар мебошад.
Ба гуфтаи раиси агентӣ, дар қиёс ба рӯйхатгирии аҳолии соли 2010 шумораи сокинони Тоҷикистон 2,9 млн. нафар ва ё 27,7% афзудааст.
Таъкид шуд, ки бошандагони деҳот тайи даҳсолаи охир 1,5 млн. нафар ё 28,3% зиёд гардидааст. Теъдоди сокинони шаҳр 26% ё 522 ҳазор нафар афзудааст.
Дар маҷмуъ мардон дар Тоҷикистон аз занон бештаранд. Бар асоси омор, шумораи мардон дар ҷумҳурӣ 4,9 млн. ва занон 4,7 млн. мебошад.