ДУШАНБЕ, 15 фев — Sputnik. Русия ҷангро намехоҳад, бинобар ин пешниҳод кардааст, ки барои таъмини амнияти баробар дар Аврупо гуфтушунид гузаронад.
Дар ин бора Владимир Путин, раисҷумҳури Русия дар нишасти матбуотӣ дар пайи музокирот бо садри аъзами Олмон Олаф Шолтс иттилоъ дод.
"Мо инро мехоҳем ё не? Албатта не", - изҳор дошт Владимир Путин дар посух ба суоли хабарнигорони олмонӣ дар бораи эҳтимоли сар задани ҷанг дар Аврупо.
Аз ин рӯ Русия ҷонибдори раванди музокирот аст, ки натиҷаи он бояд созишнома дар бораи таъмини амнияти баробар барои ҳама, аз ҷумла кишвари мо бошад, таъкид кард Путин. Мутаассифона, ба гуфтаи раисиҷумҳури Русия, Маскав ба пешниҳодҳои худ посухи қобили мулоҳиза ва созанда нагирифтааст.
Пештар дар вокуниш ба хабари эъзоми нерӯҳои Русия пас аз тамрин шореҳи рӯзномаи бритониёӣ Крис Плизанс навишта буд, ки ин бо вуҷуди изҳороти сершумори Амрико дар бораи "ҳамлаи ногузир"-и Маскав ба Украина рух медиҳад.
Корбарон дар ин матлаб ҳазорон шарҳҳое гузоштаанд, ки аз дурӯғҳои Вашингтон ва Ғарб хашмгин шудаанд. Бисёре аз хонандагон бар ин назаранд, дар тӯли ин муддат Русия рост мегӯяд, ки бо Украина ҳеҷ гуна ҷангро тарҳрезӣ намекунад ва ИМА дидаву дониста, тамоми ҷаҳонро ба ақидаи дигар бовар мекунонад.
Мақомоти Федератсияи Русия борҳо ба ҳаракати нерӯҳо дар қаламрави худ ишора кардаанд. Онҳо аз риоя накардани тавофуқоти Минск аз ҷониби Киев ёдовар шуданд, ки оташбас ва хуруҷи аслиҳаи вазнин аз хатти даргириро дар назар дорад.
Кремл таъкид кард, ки ҳадафи Ғарб аз чунин иттилоъпароканӣ таъсиси як гурӯҳи хориҷӣ дар наздикии марзҳои Русия аст.