ДУШАНБЕ, 12 фев — Sputnik. Варзишкори қирғизистонӣ нисфи маблағи аз набард гирифтаашро дар мусобиқаи MMA "Hardcore Fighting Championship" ба як варзишгари Тоҷикистон додааст.
Нурланбек уулу Марсел дарҳол пас аз задухӯрд эълон кард, ки як қисми пулро ба муборизи тоҷик Комил Ҳасанов медиҳад.
"Мехоҳам, нисфи пуламро ба Комил Ҳасанов фиристам, модараш бемор аст, кумак кардан мехоҳам", — гуфт ӯ.
Чанде пеш маълум шуд, ки модари Ҳасанов сахт бемор шуда, ба маризии онкологӣ гирифтор шудааст. Ва ӯ барои табобат ба маблағи зиёд ниёз дорад.
Рақобат рӯзи 10 феврал сурат гирифт. Дар ринг варзишгари қирғиз бо Григорий Беляеви рус вохӯрд.
Варзишгари Русия дар тӯли мубориза қавӣ буд, аммо баъдтар варзишгари қирғиз бо истифода аз усули махсус ӯро маҷбур кард, ки таслим шавад.
Нурланбек 24 сол дошта, аз Ҷалолобод аст. Ӯ устоди варзиш дар риштаи самбои ҷангӣ мебошад.