ДУШАНБЕ, 3 фев — Sputnik. Вазорати сиҳҳати оммаи толибон хабар додааст, ки дар 24 соати гузашта аз озмоиши як ҳазору 702 мавриди машкук ба ибтило ба корона 629 мавриди он мусбат ташхис шудааст, иттилоъ додааст радиои "Садои Хуросон".
Тибқи иттилои манбаъ, Ҷовид Ҳажир, сухангуи Вазорати сиҳҳати оммаи Афғонисон ахиран дар як паёме таъкид доштааст, ки дар як шабонарӯз 31 бемор дар бемористон бистарӣ шудаааст.
Ҳамзамон манбаъ илова кардааст, ки дар 24 соати ахир аз ин вирус се нафар ҷон бохтаанд.
Сухангӯи ин вазорат набудани таҷҳизот ва бетаваҷҷуҳии мардум ба тавсияҳои беҳдоштиро яке аз мушкилоти ҷиддӣ хонда ва гуфтааст, ин яке аз нигарониҳои ҷиддии масъулони ин вазоратхона аст.
Дар ҳамин ҳол бархе аз коршиносон мегӯянд, дар Афғонистон имкон дорад, мавҷи чаҳоруми корона оғоз шавад.