Гули баҳман - гиёҳи дусолаи сабзранг бо гулҳои зардранг аст, ки решаи он хусусияти табобатӣ дорад. Гули баҳман, ки бо номҳои бойчечак ва гули тағорашиканак дар байни мардум маълум аст, дар моҳи баҳман мешукуфад.
Бар асоси хулосаҳои донишмандон, мардумшиносон, фолклоршиносони тоҷик ва дигар олимони ҳавзаи Наврӯз, ин гул дар қатори сиёҳгӯш, лола, гули зард, шохи дарахти ғунчадор, парандаҳои асотирии симурғ, парасту ва суманак рамзҳои иди Наврӯз мебошанд.