Дар Маскав озмоишҳои клиникии ваксинаи димоғии "Спутник V" идома доранд. Дар озмоиши ин ваксина шаҳрвандони болиғ, ки қаблан моякӯбӣ нашудаанд ва ҳамзамон гирифтори коронавирус нагардидаанд, метавонанд иштирок кунанд.
Гуфта мешавад, иштирокчиёни озмоишҳо пас аз гирифтани вояи аввал шаш моҳи дигар таҳти назорати табибон хоҳанд буд.
"Ваксина дар маҳлули яхкардашуда дода мешавад. Пас аз об шудани маҳлул онро метавон ба бинӣ дохил кард", - изҳор дошт Даря Кургузова, мутахассиси Донишгоҳи Сеченов.
Пеш аз ворид кардани ваксина ба бинӣ, ҳамаи ихтиёриён бояд аз муоинаи пурраи клиникӣ, инчунин санҷиши ПСР ва хун гузаранд.
Қаблан, мудири Маркази Гамалея гуфта буд, васинаҳое, ки аз тариқи бинӣ вориди бадани инсон карда мешаванд, ҳич асари манфие надоранд.
Ба қавли ин донишманд, ин ваксинаро бояд ҳадди ақал дар шаш моҳ ва эҳтимол камтар аз ин муддат низ як бор гирифт, аммо ин масъала ҳоло ҳам мавриди омӯзиш қарор дорад.