ДУШАНБЕ, 23 янв – Sputnik. Тибқи Агентии обуҳавошиносӣ, дар Вилояти Мухтори Кӯхистони Бадахшон ҳавои тағйирёбанда ва бебориш дар назар аст.
Ба иттилои манбаъ, танҳо дар ноҳияҳои алоҳидаи ғарбии вилоят боришоти сусти барф ба амал меояд.
Ҳаво дар ғарби вилоят шабона 8-13 дараҷа хунук, дар баъзе ноҳияҳо то 15-20 дараҷа хунук, рӯзона 3-8 дараҷа хунук мешавад. Аммо дар шарқи вилоят шабона 25-30 дараҷа хунук шуда, дар баъзе минтақаҳо то 33-38 дараҷа хунук, рӯзона 8-13 дараҷа хунук, дар баъзе минтақаҳо то 21 дараҷа хунук мешавад.
Дар вилояти Суғд ҳавои тағйирёбанда, асосан бебориш дар назар буда, дар ҳамин минтақаи Тоҷикистон низ танҳо дар баъзе ноҳияҳо боришоти сусти барф сурат гирифта, тормеғ (туман) мефарояд.
Ҳаво дар водиҳо шабона 1-6 дарача хнук, рӯзона то 8 дараҷа гарм шуда, дар ноҳияҳои кӯҳӣ шабона аз 5 то 10 дараҷа сард, рӯзона аз 3 дараҷа хунук то 2 дараҷа гарм мешавад.
Дар вилояти Хатлон ҳавои тағйирёбандаи бебориш дар назар аст. Дар ин вилоят низ танҳо дар баъзе ноҳияҳо боришоти сусти барф ба амал омада, тормеғ (туман) мефарояд. Ҳаво дар водиҳо шабона то 7 дараҷа хунук, рӯзона аз 3 то 8 дараҷа гарм, дар доманакӯҳо шабона то 10 дараҷа хунук, рӯзона аз 1 дараҷа хунук то 4 дараҷа гарм мешавад.
Ҳамингуна ҳолат дар дар шаҳру ноҳияҳои тобеи марказ ба қайд гирифта шудааст. Дар ин минтақа низ ҳавои тағйирёбандаи бебориш дар назар аст, аммо танҳо шабона дар баъзе ноҳияҳо боришоти сусти барф ба амал омада, тормеғ (туман) мефарояд.
Ҳаво дар водиҳо шабона то 8 дараҷа сард ва рӯзона аз 1 то 6 дараҷа гарм, мешавад. Дар ноҳияҳои кӯҳӣ шабона аз 6 то 11 дараҷа хунук, рӯзона аз 2 дараҷа хунук то 3 дараҷа гарм мешавад.
Дар шаҳри Душанбе бошад ҳавои тағйирёбанда дар назар аст.
ба гуфтаи обуҳавошиносон шабона дар поййтахт боришоти сусти барф ба сурат гирифта, рӯзона асосан бебориш мешавад. Ҳамчунин фаромадани тормеғ (туман) аз эҳтимол дур нест. Ҳаво шабона аз 3 то 5 дараҷа хнук, рӯзона аз 4 то 6 дараҷа гарм мешавад.