ДУШАНБЕ, 21 янв - Sputnik. Раисҷумҳури Беларус Александр Лукашенко гуфт, ки коронавирусро "бо пои истода" аз сар гузаронд.
Қаблан ӯ гуфта буд, ки ду бор ба COVID-19 гирифтор шудааст, бори охир штамми омикрон будааст, менависад РИА "Новости".
"Ман худро чандон хуб ҳис намекардам, аммо лижаронӣ мекардам, ҳезум мебуридам, ҳама корро мисли пештара анҷом медодам. Ягона чиз ин буд, ки мо хоккей бозӣ намекардем", - иқтибос овардааст хадамоти матбуотии Лукашенко аз суханони президент.
Президент иқрор шуд, ки ин дафъа бемориро нисбат ба даври аввал осонтар паси сар кард.
Ёдовар мешавем, штамми нави COVID-19 бори аввал дар Африқои Ҷанубӣ ва Ботсвана пайдо шуд. Он аз дигар навъҳо бо афзоиши шумораи мутатсияҳо ва паҳншавии босуръат фарқ мекунад.
Нишонаҳои асосии ин навъи коронавирусро пизишкон дар беҳолӣ, дарди сар, диққи нафас ва патиши сатхи дил дар ҳолати ором, ҳамчунин ҳарорати аз 37 болои бадан мегӯянд.