Кори бузургтарин лӯлаи нафти Киркук-Ҷайҳон, ки Туркия ва Ироқро мепайвандад, пас аз таркиши бузург барқарор шуд. Дар ин бора рӯзномаи "Daily Sabah" хабар дод.
"Ширкат хабар дод, сӯхторе, ки бар асари таркиш сар зад, пурра хомӯш карда шуда, корҳои зарурӣ анҷом ёфтанд", - менависад нашрия.
Ширкати "Botas" сабаби таркишро мушаххас накардааст. Маълум аст, ки ба лӯлаи газ борҳо аз тарафи сепаратистони курд ва террористони ДОИШ* ҳамла сурат гирифтааст.
Ёдовар мешавем, як рӯз пеш дар лӯлаи воқеъ дар ҷануби Туркия таркиш рух дода буд. Оқибати он сӯхтори даҳшатборе буд, ки ба шоҳроҳи наздиктарин паҳн шуд.
Бино ба гузоришҳо, таркиш бар асари афтидани сутуни хатти барқ рух додааст. Интиқоли нафт тавассути лӯла фавран қатъ карда шуд, 19 бригадаи сӯхторхомӯшкунӣ ва ёрии таъҷилӣ ба ҷои ҳодиса ҳозир шуданд.
Дар бораи теъдоди қурбониён ва захмиён маълумоте нест. Ин ҳодиса боиси афзоиши навбатии қимати нафт шуд.
Иштирокчиёни бозор аз қатъ шудани интиқоли захираҳо ба Туркия метарсанд, ки баъдан ба корхонаҳои коркарди нафт дар Хорватия, Юнон, Руминия ва Италия меравад.
* - ташкилоти террористии мамнуи Русия ва Тоҷикистон мамнӯъ аст.