ДУШАНБЕ, 15 янв — Sputnik. Ҳафт соли охир дар таърихи мушоҳидаҳо гармтарин солҳо дар сайёра гардид, мегӯяд хадамоти тағирёбии иқлим Коперник (Европа), менависад Daily Mail.
Дар соли 2021, аз моҳи июн то октябр, ҳарорати миёнаи моҳона гармтарин - ҳарорати рекордӣ буд.
Коршиносон ин натиҷаҳоро чун "зарба ба рӯй" тасвир кардаанд, ки сиёсатмадорон ва ҷомеаро водор месозад, ки "таъҷилии фавқулоддаи иқлимиро дарк кунанд".
Муайян шуд, ки соли гузашта ба ҳисоби миёна танҳо каме гармтар аз солҳои 2015 ва 2018 (сардтарин ду соли сабтшуда) буд, дар ҳоле, ки соли 2016 гармтарин сол буд.
Пештар олимон муайян карданд, ки тағйирёбии иқлим ба намуд зоҳирии инсон чӣ гуна таъсир хоҳад кард.
Ба гуфти коршиносон, бинобар гармшавӣ истеҳсоли меланин дар инсон зиёд шудааст.
Ин пигмент барои ранги пӯст, мӯй ва чашм масъул аст - он ҳар қадар зиёд бошад, пӯст ҳамон қадар тиратар мешавад ва чашму мӯйҳо ториктар мешаванд. Иқлим инчунин андозаи бадан ва майнаи сарро тағйир медиҳад.
Таҳқиқотҳо нишон медиҳанд, ки андозаи миёнаи бадан ва майнаи инсон пайваста тағйир меёфт - хунукӣ андозаи онҳоро зиёд мекард ва гармӣ, баръакс хурд.
Коршиносон бар ин назаранд, ки бар асари гармшавии глобалии наздик бадан ва майнаи инсон боз хурдтар мешавад.
Олимони Кембриҷ мутмаинанд, ки дар шароити гарм одамон бо мушкилоти хотира, нутқ, омӯзиш ва бад шудани гардиши хун дар мағзи сар дучор хоҳанд шуд.