ДУШАНБЕ, 14 янв — Sputnik. Сергей Лавров, вазири умури хориҷии Русия шеваҳои пайвастани аъзои нав ба Созмони Аҳдномаи Амнияти Дастаҷамъиро тавзеҳ дод.
"Дар оинномаи СААД ҳамааш сабт шудааст. Онҳое, ки мехоҳанд ба ин созмон пайванданд, бояд бо чунин дархост муроҷиат кунанд", - изҳор дошт Лавров зимни нишасти матбуотӣ.
Феълан Арманистон, Беларус, Қазоқистон, Қирғизистон, Русия ва Тоҷикистон узви СААД мебошанд.
Ӯ инчунин илова намуд, роҳбарони кишварҳои узви СААД санадеро имзо намуданд, ки бар асоси он, ба оинномаи ин созмон тағйирот ворид мегардад.
"Бар асоси тағйироти воридшуда, дар баробари аъзои комилҳуқуқи Созмони Аҳдномаи Амнияти Дастаҷамъӣ мақомҳое чун шарик ва нозир пайдо мешаванд", - таъкид намуд вазир.
Ба гуфтаи Лавров, ҳадди ақал таваҷҷуҳ барои барқарор кардани тамосҳо бо СААД вуҷуд дорад.
Маврид ба зикр аст, ки ҳадафи Созмони Аҳдномаи Амнияти Дастаҷамъӣ ҳифзи якҷояи давлатҳои узв аз таҷовузи низомию сиёсии хориҷӣ ва ҳамчунин ҳамлаҳои террористӣ арзёбӣ мегардад.