ДУШАНБЕ, 28 дек — Sputnik. Анна Попова, роҳбари "Роспотребнадзор", дар мулоқоти ғайрирасмии роҳбарони кишварҳои ИДМ дар Санкт-Петербург дар бораи вазъи эпидемиологӣ гузориш дода, масоили марбути омикрон, штами нави онро тавзеҳ дод.
Қосим - Ҷомарт Тоқаев, раисиҷумҳури Қазоқистон ва Александр Лукашенко, президенти Белорус, назари Попова дар бораи интизориҳо аз оянда суол карданд.
Роҳбари "Роспотребнадзор" гуфт, ҷавоби якмаромро, ки фардо чӣ хоҳад шуд, касе надорад, аммо бояд омода шуд, то ҳарчи бештар аз сирояти одамон ҷилавгирӣ гардад.
Вай афзуд, вирусро тайи соли 2020 пайгирӣ намуданд, аммо тағйироте сабт нашуда буд, танҳо соли 2021 тағйирот пайдо гардиданду штамҳои нав - делта ва омикрон пайдо гардиданд.
Ба гуфтаи Попова, табиист, ки вирусҳо бояд иваз шаванд, ин хусусияташон аст. Ӯ афзуд, ки эҳтимоли пайдо шудани штамҳои нав низ вуҷуд дорад.
Дар мавриди омикрон таъкид гардид, ки нисбатан зуд паҳн мешаваду ҳолатҳои вазнин танҳо дар бархе аз афроде дида мешаванд, ки ваксина нагирифтаанд ё бемориҳои дигар, аз қабили қанд ва ё саратонро доранд.
Роҳбари "Роспотребнадзор" афзуд, ки азбаски омикрон нисбатан зудтар паҳн мешавад, эҳтимолияти гирифторшавии онҳое, ки касалиҳои дигар дигар доранду осебпазиранд, афзоиш меёбад.
Попова таъкид намуд, ки вазъиятро пайгирӣ доранду таҳқиқот бурда истодаанд ва омодаи табодули тамоми имкониятҳою таҷриба бо ҳамкорон аз кишварҳои дигари ИДМ мебошад.