ДУШАНБЕ, 20 дек — Sputnik. Тамоми маҳсулоте, ки дар минтақаи озоди иқтисодии (МОИ) Тоҷикистон истеҳсол шудааст, дар 11 моҳи охир 29 миллион долларро ташкил додааст, иттилоъ додааст Вазорати рушди иқтисод ва савдои Тоҷикистон.
Қайд карда шудааст, ки дар панҷ МОИ Тоҷикистон ҳудуди 60 ширкати ватаниву хориҷӣ сабти ном шудааст.
Мушаххас шудааст, ки дар ду МОИ танҳо 24 ширкат ба тавлиди маҳсулот ё хидматрасонӣ машғул аст.
Понздаҳ субекти МОИ-и “Суғд” дар 11 моҳ ба маблағи умумии беш аз 23 миллион доллар ва дар МОИ “Данғара” нуҳ корхона дар ҳамин давра ба маблағи умумии 6 миллион доллар маҳсулот истеҳсол намудаанд.
Аз дигар субектҳои МОИ дар бораи тавлиди маҳсулоту хидматрасонӣ ба идораи дахлдор маълумот ворид нагардидааст.
Ёдовар мешавем, ки аз дуюми июл дар Тоҷикистон Қонуни “Дар бораи авф бинобар қонунигардонии дороиҳо ва маблағҳои шаҳрвандони Тоҷикистон” амал мекунад. Минтақаҳои озоди иқтисодии Тоҷикистон ба афроди воқеӣ имкон медиҳанд, ки сармояи ҷамъшударо тавассути сармоягузорӣ дар панҷ минтақаи озоди иқтисодӣ: "Суғд", "Панҷ", "Данғара", "Ишкошим" ва "Кӯлоб" қонунӣ кунанд.