ДУШАНБЕ, 17 дек — Sputnik. Дар интернет видеое паҳн шудаааст, ки дар он дастаҳои дастгоҳи раисҷумҳур пеш аз мусобиқаи футбол тамрин мекунанд, менависад Sputnik Қирғизистон.
Бояд гуфт, ин рақобати дӯстона бахшида ба 100-солагии футболи Қирғизистон баргузор мешавад.
Дар ин мусобиқа шаш даста: дастгоҳи президент, собиқадорони футболи кишвар, васоити ахбори омма, намояндагони федератсияҳои варзишӣ, доираҳои тиҷоратӣ ва фарҳангиён ширкат мекунанд.
Дар видео президент Содир Ҷабборов, муовини раиси Девони Вазирон, раиси Кумитаи давлатии амнияти миллӣ Қамчибек Тошиев ва дигар шахсони расмӣ дида мешаванд.
Бозиҳо тавассути шабакаи телевизионии "Спорт" (КТРК) ва шабакаҳои иҷтимоӣ мустақиман намоиш дода мешаванд. Оғози намоиш соати 13:45 аст.
Мақсади асосии ширкати президент дар ин сабқати футбол тарғиби тарзи ҳаёти солим гуфта мешавад.