ДУШАНБЕ, 28 ноя — Sputnik. Тибқи пажӯҳиши як гурӯҳи олимони Донишгоҳи Пекин, ки дар ҳафтаномаи China CDC Weeks нашр шудааст, хориҷ шудани Чин аз сиёсати таҳаммулпазирии худ ба COVID-19 ва сабук кардани маҳдудиятҳо барои сайёҳони хориҷӣ метавонад боиси афзоиши босуръати ин беморӣ гардад.
Бо истифода аз модели математикӣ, коршиносон оқибатҳои эҳтимолии қабули тактикаи зидди коронавирусро дар кишвар пешгӯӣ карданд, ки дар дигар давлатҳо амал мекунанд.
Ҳамин тариқ олимон пешгӯӣ намудаанд, ки агар Чин сиёсати куҳнае, ки ҳоло дар Амрико роиҷ аст, пеш гирад, дар он сурат гириторшавӣ ба ин дард дар Чин ҳамарӯза ба 637 155 нафар баробар мешавад.
Олимон мегӯянд, агар Чин чораҳои амалкунандаи Фаронсаро пеш гирад, он гоҳ маризшавии сокинон дар як рӯз ба 454 198 нафар мерасад.
Дар сурати истифода аз сиёсати зиддиковидӣ дар Бритониё эҳтимоли сироят шудани 275 793 нафар дар 24 соат имконпазир аст.
Муҳаққиқон қайд мекунанд, ки ифтитоҳи марзи Чин барои сайёҳон метавонад "авҷи азими ин дард" - ро ба вуҷуд орад. Ба ақидаи онҳо, давлат то ҳол омода нест, ки чораҳои маҳдудкунандаро сабуктар кунад.