ДУШАНБЕ, 26 ноя — Sputnik. Низомиёни пойгоҳи 201-уми Русия дар Тоҷикистон ба як деҳаи мушкилгузар дар 80-километрии шаҳри Душанбе кумак расонданд, хабар дод дафтари матбуотии Ҳавзаи марказии низомии Русия.
Ба бошандагони камбизоати деҳаи Эсанбой либосҳои ғафс, попӯшӣ, лавозимоти мактабӣ ва дигар маводи беҳдоштию ғизоӣ тақдим шудааст. Хурдсолони деҳа бозича ва ширинӣ низ дарёфт кардаанд.
Российские военнослужащие 201-ой военной базы, дислоцированной в Таджикистане, передали теплые вещи малоимущим семьям, проживающим в труднодоступной горной местности
© пресс-служба ЦВО
Дар ин иқдоми хайр ёвари фармондеҳи пойгоҳи низомӣ дар бахши кор бо низомиёни имондор, иерей Роман Чебоненко ва аъзои оилаҳое, ки ихтиёрӣ маводи кумакро ҷамъ оварданд, иштирок намуданд.
Зикр шудааст, ки кумак ба оилаҳои серфарзанд ва камбизоат аз анъанаҳои хуби фармондеҳии пойгоҳи низомии 201-уми Русия дар Тоҷикистон шудааст.
Российские военнослужащие 201-ой военной базы, дислоцированной в Таджикистане, передали теплые вещи малоимущим семьям, проживающим в труднодоступной горной местности
© пресс-служба ЦВО
Қаблан чунин иқдоми хайрро намояндагони Шӯрои занони пойгоҳи 201-ум амалӣ карда буд.
Дар қаламрави пойгоҳи низомии 201-ум ҷамъоварии маводи ғизоӣ ва лавозимоти ниёзи аввалия, бозича ва доруворӣ ташкил гардид. Баъдан занон ин маводро ба деҳаи Эсанбой расонданд.