ДУШАНБЕ, 25 ноя – Sputnik. Гордҳои миллии Ӯзбекистон ва Тоҷикистон қасд доранд, дар заминаи омодасозии кадрҳо ҳамкорӣ кунанд, хабар медиҳад дафтари матбуотии Горди миллии Ӯзбекистон.
Гуфта мешавад, ҳайати Горди миллии Тоҷикистон таҳти сарварии фармондеҳи он, генерал-лейтенант Бобоҷон Ҷамолзода барои нахустин бор ба Ӯзбекистон сафари расмӣ анҷом додааст.
Фармондеҳи Горди миллии Ӯзбекистон, генерал-майор Рустам Ҷӯраев, инчунин муовини фармондеҳ, сардорони раёсатҳои дастгоҳи марказӣ, сардорони бригадаҳо, роҳбарони Донишгоҳи амнияти ҷамъиятӣ ва Маркази махсуси таълимии Қувваҳои Мусаллаҳи Тоҷикистон дар ин дидор ширкат намудаанд.
Дар ҷараёни мулоқот ҷонибҳо масъалаҳои рушду таҳкими ҳамкориҳои дуҷонибаро баррасӣ кардаанд.
Дар поёни мулоқот нақшаи дуҷонибаи ҳамкориҳои амалӣ барои соли 2022 ба имзо расид.
Мувофиқи ин ҳуҷҷат, баргузории чорабиниҳои муштарак дар масъалаи омодасозии кадрҳо, боло бурдани омодагии ҷангӣ ва ҷисмонии онҳо дар назар аст.
Ҳамчунин мубодилаи таҷриба дар ҳамаи самтҳои ҳамкорӣ ба роҳ монда хоҳад шуд.