ДУШАНБЕ, 25 ноя – Sputnik. Сергей Собянин, раиси шаҳри Маскав хостори коҳиши шумори муҳоҷироне, ки дар бахши манзиливу коммуналии пойтахт кор мекунанд, шуд. Дар ин бора шаҳрдори Маскав дар мусоҳиба бо РИА "Новости" хабар дод.
"Мо амалан дар муассисаҳои бузурги коммуналии шаҳрӣ муҳоҷир надорем. Онҳо дар сатҳи манзилҳои хурд боқӣ мондаанд, ки дар он ҷо корҳои фаррошӣ зиёд ва музди меҳнат кам аст", - гуфт Собянин.
Қаблан шаҳрдори Маскав Сергей Собянин аз коҳиши теъдоди муҳоҷирон дар сохтмонҳо хабар дода буд.
Ба гуфтаи ӯ, шумори муҳоҷирон дар сохтмонҳои Маскав ҳадди ақал беш аз ду баробар коҳиш ёфтааст.
Дар ҳамин ҳол, тавре натиҷаи як назарсанҷии Маркази умумирусиягии омӯзиши афкори ҷамъиятӣ нишон медиҳад, тақрибан нисфи сокинони Русия бар ин боваранд, ки муҳоҷирон бозори кориро барояшон танг кардаанд.
Ба андешаи русҳо, меҳмонон аз кишварҳои хориҷи наздик дар бозори кор рақобат эҷод мекунанд.