ДУШАНБЕ, 20 ноя — Sputnik. Табибони тоҷик боз чанд ҳолати нави гирифторӣ ба коронавирусро сабт карданд.
Дар 24 соати ахир дар Тоҷикистон чаҳор нафар ба бемории COVID-19 гирифтор шуд. Ҳамчунин табибон хабар доданд, ки як нафар аз ин беморӣ шифо ёфтааст.
Дар маҷмуъ, аз замони нахустин мавриди гирифторӣ ба коронавирус дар кишвар 17 095 ҳолати гирифторӣ ба COVID-19 ба қайд гирифта шудааст.
Тибқи гузориши Вазорати тандурустӣ, то 19 ноябр ба духтурон муяссар шуд, ки 16966 касро табобат кунанд.
Ин вабои аср ҷони 124 нафарро гирифт.
Бо вуҷуди паст будани мизони гирифторӣ ба ин беморӣ дар муқоиса бо дигар кишварҳои Осиёи Марказӣ Тоҷикистон як барномаи густурдаи ваксинаро роҳандозӣ кардааст.
Тоҷикистон пайваста аз кишварҳои мухталиф дар заминаи кумаки башардӯстона ваксина ворид мекунад. Ҳамаи шаҳрвандони аз 18-сола боло метавонанд тавассути "CoronaVac", "AstraZeneca", "Moderna", "Pfizer" ва "Sputnik V" ваксина гиранд.
Қобили зикр аст, ки ваксинзанӣ дар Тоҷикистон ҳатмӣ эълон шудааст.
Ёдовар мешавем, ки пандемияи COVID-19 моҳи декабри соли 2019 дар Вуҳани Чин оғоз шуда буд.
Ҳоло дар ҷаҳон ду фарзияи пайдоиши коронавирус вуҷуд дорад. Якум ин ки COVID-19 ба одамон аз кӯршапаракҳо тавассути ҷонваре интиқол ёфтааст. Дуюм, пайдоиши коронавирусро аз озмоишгоҳ мегӯяд.