ДУШАНБЕ, 14 ноя — Sputnik. Қорӣ Саиди Хустӣ, сухангӯи Вазорати умури дохилии толибон, ахиран гуфтааст, ки Комиссияи тасфияи суфуфи толибон дар чанд рӯзи гузашта беш аз 400 нафарро аз қатори онҳо ихроҷ кардааст.
Ба гуфтаи ӯ, ин афрод бо иттиҳоми сӯистифода аз номи толибон ва озори мардум аз мақом барканор шудаанд.
Хустӣ афзуд, дар баробари барканор кардани баъзе аз афрод шумори дигаре аз онҳо низ боздошт ва зиндонӣ шудаанд.
Қаблан Мулло Ҳибатулло Охунд, раҳбари толибон дар Қандаҳор гуфта буд, ки шуморе аз афрод ва созмонҳои дигар мехоҳанд онҳоро бадном кунанд.
Пас аз он кобинаи ҳукумати толибон тасмим гирифт, ки барои муайян кардани шахсияти ин афрод як комиссияи тасфияи суфуфи таъсис дода шавад.