ДУШАНБЕ, 12 ноя — Sputnik. Эҳтимол аст, ки Русия соли оянда аз пандемияи коронавирус озод шавад.
Поёни пандемия дар Русияро дар мусоҳиба бо РИА "Новости" доктори илмҳои тиб, вирусолог Анатолий Алтштейн пешбинӣ кардааст.
"Пандемия на ҳамеша бо мо зиндагӣ мекунад, ман дар ин бора хеле хушбин ҳастам ва фикр мекунам, ки соли оянда имкони эм кардани як қисми муҳими инсоният имконпазир мешавад ва пандемия аз байн хоҳад рафт", - гуфт табиб.
Дар ҳамин ҳол ӯ гуфт, худи вирус аз байн намеравад, он боқӣ хоҳад монд.
"Он муддати тӯлонӣ хоҳад монд ва мо бояд ваксина гирем", - гуфт вирусолог.
Алтштейн инчунин пешбинӣ кард, ки мизони тавсеаи COVID-19 дар Русия афзоиш хоҳад ёфт.
Маркази миллии тадқиқоти эпидемиология ва микробиологияи Гамалея барои муайян кардани шумораи воҳидҳои безараргардонии антителҳо барои муҳофизати пурра аз навъи делта тадқиқот гузаронд.
Ба гуфтаи олимон, 300 антитело (воҳидҳои байналмилалӣ) инсонро аз делта комилан муҳофизат мекунад.