ДУШАНБЕ, 12 ноя — Sputnik. Дар Русия шумораи квотаҳо барои донишҷӯёни хориҷӣ ба таври назаррас афзоиш хоҳад ёфт.
Агар имсол 18 ҳазор донишҷӯ интихоб шуда бошад, пас дар соли 2023 "ин теъдод ба 30 ҳазор мерасад", - гуфт Алексей Левченко, иҷрокунандаи вазифаи директори департаменти сиёсати давлатии Вазорати маорифи Русия.
Ба гуфтаи ӯ, масъулияти таҳияи механизми ҳамкории муштарак, интихоби донишҷӯёни хориҷӣ ба "Россотрудничество" ва Вазорати корҳои хориҷӣ вогузор шудааст.
Қаблан дар бораи нақшаҳои Русия барои додани грант ба се категорияи донишҷӯёни хориҷӣ хабар дода шуда буд. Донишҷӯён метавонанд аз соли 2022 ин маблағҳои грантиро дарёфт кунанд.
Илова бар ин Думаи давлатӣ аллакай пешниҳоди додани иҷозаи зисти "содашуда" ба ҳамаи донишҷӯёни хориҷӣ пас аз хатми донишгоҳро дастгирӣ кард.