ДУШАНБЕ, 11 ноя — Sputnik. Мири Маскав Сергей Собянин аз маскавиҳо хост, ки режими ниқобро риоя кунанд ва пардохтҳои чиптаро дар метро бидуни тамос, масалан тавассути низоми "Face Pay" интихоб кунанд.
"Ман аз шумо хоҳиш мекунам, ки режими ниқобро риоя кунед. Ин як роҳи осони ҳифзи худ ва сироят накардани дигарон аст. Агар имконпазир бошад, пардохти чиптаро бидуни тамос, масалан тавассути низоми "Face Pay" интихоб кунед", - навиштааст Собянин дар саҳифаи "Twitter"-и худ.
Бояд гуфт, вазъи коронавирус дар Русия вахим боқӣ мемонад: дар охири моҳи октябр шумораи ҳаррӯзаи мубталоён бори аввал аз 40 ҳазор нафар гузашт ва 6 ноябр ба ҳадди аксар, 41,3 ҳазор нафар расид.
Дар баробари ин дар ин кишвар мизони рекордии фавт аз COVID-19 сабт шудааст: аз 26 октябр инҷониб аз 1,1 ҳазор нафар бештар ҳамарӯза мефавтад.
Ваксина ҳамчун бехатартарин шакли муҳофизат боқӣ мемонад. Имрӯз теъдоди шаҳрвандони Русия, ки ҳадди ақал ваксинаро гирифтаанд, аз 60 миллион нафар бештар аст.
Масъунияти оммавӣ 48 фоизро ташкил медиҳад.