ДУШАНБЕ, 11 ноя — Sputnik. Кӯдакони то 18-сола аз лиҳози омор омили паҳншавии ҳамагирии коронавирус нестанд, гуфт Малишев дар яке аз барномаҳои шабакаи "Россия 1".
“Дар ҳоли ҳозир омори синнусолии фавт аз коронавирус дар ҷаҳон чунин аст: 95 дарсади фавтидагон одамони синну соли 60-65+, 5 дарсад аз 18 то 50-сола ва камтар аз 0 дарсадро кӯдакон ташкил медиҳанд", - гуфт ӯ.
Ба қавли пизишк, ин омор нишон медиҳад, ки фавти кӯдакон аз COVID дар ибтидои пандемия тақрибан 0,3 дарсад буд, ҳоло он то 0,1 фоиз коҳиш ёфтааст.
Ба гуфтаи ӯ, барои "Спутник V" калонсолон мувофиқ аст ва тамоми далелҳоро барои ваксинзанӣ дорад.
"Аммо дар бораи ваксина барои кӯдакон бояд аввал маълумоти пурра гирифт. Вақте суол ба миён меояд, ки кӯдаконро ваксина кунем ё не, далели возеҳи илмие бояд бошад, ки дар маҷаллаҳои баррасишаванда нашр шуда, самаранок ва бехатар будани ваксинаҳоро тасдиқ кунад.
Тадқиқоти ваксинзании кӯдакон бо "Спутник V" гузаронида шудааст, аммо маълумот то ҳол нашр нашудааст.
Масъалаи дигаре ҳам вуҷуд дорад: кӯдакони синну соли муайян (масалан, 16-18-сола) навҷавонанд ва ба онҳо вояе, ки барои калонсолон гузаронида мешавад, дода мешавад.
"Ва ин ки барои кӯдакони то 12-солаю аз он боло ҳам ҳамин гуна таъин мешавад, то ҳол маълум нест. Аз ин рӯ бояд тамоми маълумотро дақиқ ва пас аз он қарор қабул намуд", - гуфт Малишева.
Ба гуфти пизишк, "Pfizer" аллакай маълумотро дар бораи истифодаи ваксинаи коронавирус барои кӯдакон нашр кардааст ва дар Амрико кӯдакони аз 12-сола боло аллакай эмин шудаанд.
"Ҳоло таҳқиқи доруи "Pfizer" барои вксинзании кӯдакони аз 5-сола боло идома дорад. Аммо тибқи қоида, аввал бехатарӣ ва самаранокӣ собит мешавад ва баъдан масъалаи ваксиназнӣ баррасӣ мегардад", - шарҳ дод пизишк.