ДУШАНБЕ, 10 ноя — Sputnik. Додгоҳи ноҳияи Ленини шаҳри Тюмен ҳукми шаҳрванди 31 -солаи Тоҷикистонро эълон кард, хабар медиҳад котиботи додгоҳи ин ноҳия.
Шаҳрванди Тоҷикистон ҳанӯз моҳи январи соли равон аз ҷониби кормандони милитсия боздошт шуда буд. Ӯро кормандони ҳифзи ҳуқуқ ва ҳамчунин Ёрии таъҷилӣ дар як манзил дар ҳоле дарёфтанд, ки сархуш ва оғуштаи хун буд.
Новобаста аз захмӣ будани худ ӯ ба кормандони Ёрии таъҷилӣ имкони муоина карданашро надод. Барои ором кардани ӯ яке аз кормандони пулис кӯшиш кард, аммо тоҷикистонӣ бо электрошокер ба сари ӯ зарба задааст.
Маҳз ба хотири истифода аз зӯроварӣ дар нисбати корманди ҳифзи ҳуқуқ, номбурда муддати 4 сол равонаи зиндон шуд.
Зикр мегардад, ки дар мурофиаи судӣ шаҳрванди Тоҷикистон қисман гуноҳашро ба эътироф намуда ва аз кормандони пулис узрпурсӣ намудааст. Аммо бо вуҷуди ин додгоҳ ӯро ба 4 соли ҳабс маҳкум кард.
Гуфта мешавад, ин ҳукм ҳоло ниҳоӣ нашудааст ва шаҳрванди Тоҷикистон метавонад аз болои он шикоят барад.