ДУШАНБЕ, 2 ноя — Sputnik. Дар Русия шабонарӯзи гузашта мавориди фавт аз коронавирус рекордӣ шуд.
Ситоди фаврии мубориза алайҳи ин вабо хабар дод, ки дар 24 соати ахир дастикам 1178 нафар ҷон додааст. Илова бар ин шабонарӯзи гузашта 39 008 мавриди сирояти коронавирус ошкор шудааст.
"Дар давоми 24 соати охир дар Русия 39 008 ҳолати гирифторӣ ба COVID-19 дар 85 минтақа ошкор шудааст. Дар маҷмуъ теъдоди гирифторони ин дард ба 8 593 200 нафар расидааст", - омадааст дар хабари ситод.
Гуфта мешавад, аксари ҳолатҳои гирифторӣ ба коронавирус дар Маскав (5 736), Санкт-Петербург (3 066) ва вилояти Маскав (2 893) сабт шудаанд.
Зимнан аз авоили бурузи ин маризӣ дар Русия 240 871 нафар фавтидааст. Ҳамчнин 7 412 631 бемори коронавирус дар Русия шифо ёфтааст.