ДУШАНБЕ, 29 окт — Sputnik. Миёни Вазорати меҳнат, муҳоҷират ва шуғли аҳолии Тоҷикистон ва Донишгоҳи федералии Урал ба номи нахустин перзиденти Федератсияи Русия Б.Н. Елтсин Ёддошти тафоҳуми дӯстӣ ва ҳамкории муштарак ба имзо расид, иттилоъ додааст дафтари матбуотии Вазорати меҳнат.
Бинобар иттилои манбаъ, дар маросими мазкур, ки 28 октябр баргузор шуд, муовини аввали вазири меҳнат, муҳоҷират ва шуғли аҳолӣ Абдуғаффор Раҳмонзода ва ректори Донишгоҳи федералии Урал ба номи Борис Елсин Виктор Анатолевич иштирок намуданд.
Таъкид шудааст, ки муқаррароти асосии ёддошти тафоҳуми рушди минбаъдаи ҳамкории дуҷониба дар бахши таҳсил, қабули донишҷӯён, касбомӯзӣ, омода намудани мутахассисон дар донишгоҳи мазкур, табодули таҷриба, баргузор намудани курсҳои такмили ихтисос, семинарҳо, мизҳои мудаввар ва дигар ҳамкориҳои муштаракро фаро мегирад.
Ҳамчунин мулоқоти муовини аввали вазири меҳнат, муҳоҷират ва шуғли аҳолӣ Абдуғаффор Раҳмонзода, ректори Донишгоҳи Федералии Урал Виктор Анатолевич ва соири намоядагони ҳар ду ҷониб низ баргузор шудааст.