ДУШАНБЕ, 22 окт — Sputnik. Генерал Евгений Поплавский, муовини фармондеҳи Ҳавзаи низомии марказӣ, ки машқҳои муштаракро дар тамрингоҳи Момирак аз тарафи Русия роҳбарӣ мекард, дар бораи зарурати он дар сарҳади Афғонистон изҳори назар кард.
"Тамоми тамринҳои муштараки низомии мо барои нобудсозӣ ё ҷилавгирӣ аз таҳдидҳои берунии Тоҷикистон ё Русия аст", - гуфт генерали рус.
Поплавский қайд кард, ки машқҳои гузашта барои омодагӣ ба дифои ҳамла аз самти Кӯлоб ва инчунин омода кардани гурӯҳи муштараки тактикӣ дар ҳолатҳои буҳронӣ буд.
"Кулли гурӯҳҳо бояд ба таври возеҳ дарк кунанд, ки ҳама гуна кӯшиши убури сарҳад "билети яктарафа" аст", - гуфт генерал.
Ҳамчунин низомиёни Русия қайд карданд, ки воҳидҳои ин кишвар ва Тоҷикистон дар рушди мутобиқати тактикии худ ба марҳилаи нав расидаанд.