ДУШАНБЕ, 20 окт — Sputnik. Ҳукумате, ки дар Афғонистон аз ҷониби аъзои "Толибон"* таъсис ёфтааст, фарогир аст. Ин мавқеи муовини сарвазири ин кишвар Абдусалом Ҳанафӣ аст, ки нишасти Маскав садо дод.
"Ҳукумат дар Афғонистон феълан фарогир аст. Тавре ки шумо медонед, 500 ҳазор нафар дар мақомоти кишвар кор мекунанд, бисёриҳо қаблан дар он ҷо фаъолият мекарданд", - гуфт Ҳанафӣ.
Илова бар ин намояндаи радикалҳо вохӯриро самаранок арзёбӣ кард.
Муовини сарвари ҳукумати "Толибон"* қайд кард, ки Русия дар таъмини амнияти Афғонистон нақши муҳим дорад.
Қаблан раҳбари Вазорати корҳои хориҷии Русия Сергей Лавров гуфта буд, ки бо ҷангиён иҷрои ваъдаҳояшон дар бораи таъсиси ҳукумати фарогир ва таъмини ҳуқуқи афғонистониҳоро баррасӣ мекунад.
Ба гуфти вазир, танҳо дар сурати иҷро шудани ин шартҳо вазъ дар ин кишвар ба эътидол меояд.
Мулоқоти "формати Маскав" бо иштироки ҳайати "Толибон", Лавров, намояндаи махсуси президенти Русия Замир Кабулов, сафири Русия дар Афғонистон Дмитрий Жирнов ва инчунин дипломатҳои кишварҳои минтақа, ки муқими Маскаванд, дар пойтахти Русия баргузор шуд.
Ёдовар мешавем, таъсиси ҳукумати фарогир дар Афғонистон яке аз шартҳои асосиест, ки дар сурати иҷро шудани он ҷомеаи ҷаҳонӣ омода аст, ҳукумати "Толибон"* -ро дар Афғонистон эътироф кунад.
Ҷангҷӯён кобинаи ҳукумати нави ин кишварро авоили моҳи сентябр муаррифӣ карданд. Аммо он аз намояндагони як қавм иборат аст. Ҳамчунин ба занон иҷозаи ширкат дар идоракунии кишвар дода нашудааст.
* - созмони террористии мамнуъ дар Русия ва Тоҷикистон