ДУШАНБЕ, 17 окт — Sputnik. Ба Вазорати тандурустии Русия аллакай ҳуҷҷатҳо барои сабти ваксина алайҳи бемории коронавирус барои наврасон фиристода шуд.
Дар робита ба ваксини мазкур, директори Маркази ба номи Гамалей, Александр Гинсбург изҳор доштааст, ки номи ваксина барои кӯдакон шояд "Спутник М" интихоб шавад.
Ба гуфтаи ӯ, ҳарфи "М" маънои "хурд"-ро ифода мекунад.
"Ҳатман номи "Спутник" боқӣ хоҳад монд ва дар робита ба он ки ин ваксин барои наврасон аст, аз ин рӯ ҳарфи "М", ба маънои "хурд" илова мешаваду халос", - афзудааст ӯ.
Қаблан Маркази миллии тадқиқотии эпидемиологӣ ва микробиологии ба номи В.И. Гамалей ба Вазорати тандурустии Русия бастаи ҳуҷҷатҳоеро барои сабти ваксинаи Гам-КОВИД-Вак-М фиристода буд, ки барои пешгирии COVID-19 дар байни наврасон пешбинӣ шудааст.
Дар ҳамин ҳол ёрдамчии вазири тандурустӣ Алексей Кузнетсов қаблан ба РИА "Новости" гуфта буд, ки дар сурати сабти ном шудани ин ваксина он танҳо бо ризоияти волидон ва ё намояндагони қонунии онҳо ба наврасон гузаронида мешавад.